princess.

hæj þú. vá, ég er búin að sakna þín geðveikt mikið.

vá. ég er meira að segja hætt að lesa mig sjálf. en ókei. ég hef eiginlega ekki frá neinu að segja. ég er komin yfir ævintýraskeiðið þar sem allt er nýtt og spennandi og krejsí. núna er ég bara svona boring venjuleg manneskja sem vinn til að borga leigu, fer út að leika við vini mína þegar ég hef tíma til og þess á milli horfi ég á sex and the city eða er bara almennt óspennandi.

það þýðir samt ekki að það sé ekki gaman hjá mér. það er alveg ógeðslega gaman hjá mér. ég elska london. þessi borg er æðisleg. það er alltaf eitthvað hægt að gera. ég til dæmis fór um daginn á miike snow tónleika. ef þú veist ekki hver það er, þá er heppnin með þér. því ég er að segja þér það núna. skemmtileg hljómsveit. gúglaðu hana bara. stundum leyfi ég mér að fara út að borða voða fínt eða fá mér sushi, eða kaupa mér flösku af góðu víni. svo er líka alltaf eitthvað fólk að koma hérna í gegn. sara margrét kom hérna um daginn á leið sinni til kenýa, birta ara var að flytja hingað og svo kemur friðsemd í næstu viku og mamma í næsta mánuði. víí. ég ætla kannski að fara í heimsókn til láru líka. til portúgal. svo langar mig soldið í svona langa heimsókn til íslands. ekki bara í tvo daga. heldur þú veist, marga.

ég og hadrian og jj ætlum kannski að fá okkur hús saman. þá verð ég kannski með sófa. þá verður líka alltaf partý hjá mér. þér er boðið ef þú vilt. svo langar mig núna geggjað mikið í skóla. að læra. sitja heima með bækur og vera bara að lesa, skilja og pæla. hlakka sjúkt til. gæti verið að ég haldi mig bara hér. því hér er svo gott að vera.

bæj. heyrumst fljótlega.